رحلتى الى هاواى – الجزء الرابع والاخير

رحلتى الى هاواى – الجزء الرابع والاخير

اليوم الثالث والاخير على الجزيرة

قضيت هذا اليوم فى اماكن مختلفه

فى الصباح ذهبت الى الشاطئ بجوار الفندق وكان الجو يومها غائم مع بعض الامطار مع ذلك كان دافئ وهذا طبيعى لان الطقس استوائى وايضا كنت فى شهر 11 وهو بدايه موسم الامطار لكنه تغيير بعد الظهر واصبح الجو مشمس وفى الحالتين يمكنك ان تستمتع بالبحر ولا تحتاج الخروج منه انت كدة او كدة مبلول

بعدها ذهب للفندق على الظهر وعملت خروج منه . طبعا اليوم مازال طويل وانا الطيران الخاص بى ميعادة الساعه 9 باليل

وانا قاصد انى احجزة باليل لانى هسافر على سان دييجو والطيران لها المباشر من هونولولو بيكون بالنهار فقط وعدد الرحلات محدود واذا حجزت فى هذا الوقت اليوم سوف يضيع بالكامل فى الطيران ولن استفيد بيه فى هاواى ولا سان دييجو

لذلك حجزت طيران باليل لكى اقضى اليوم بالكامل فى هاواى وبعدها اسافر واقضى اليل فى السفر وطبعا لا يوجد طيران مباشر الى سان دييجو باليل فحجزت على American Airline رحله بتوقف واحد فى مدينه فينيكس ومنها الى سان دييجو

واصل الصباح فى سان دييجو الساعه 8 تقريبا

انا حجزت هذة الشركه مع ان كان فيه عدة شركات اخرى بسبب انى كنت عاوز اجرب كل شركات الطيران الامريكيه (بعد تجربه 5 شركات حتى الان ممكن اقول انهم مثل بعض فى الخدمات المحدودة وكلهم بيتعاملوا باسلوب الطيران منخفض التكاليف)

وكمان هى كانت اقصر رحله وحاولت انام فى الرحله لكى استفيد بالوقت باليل لكن كالعادة مش بعرف انام فى اى طياره

نرجع لبقيه اليوم فى الجزيرة وهو جزء ممكن ميهمش كل الناس لان ليه طابع عسكرى شويه وهو زيارتى الى قاعدة بيل هاربر فى هونولولو

طبعا المهتم بالمجال العسكرى او بالحرب العالميه التانيه والتاريخ اكيد سمع عن هذة القاعدة البحريه الامريكيه كتير

القاعدة يوجد فيها الاسطول الامريكى فى المحيط الهادى واليابان قامت بقصفها فى الحرب العالميه الثانيه ودى كان السبب الرئيسى لدخول امريكا الحرب

دة رابط لبعض المعلومات عن الميناء والقاعدة البحريه لم يريد معلومات اكتر عن تاريخها

https://en.wikipedia.org/wiki/USS_Arizona_Memorial

القاعدة العسكريه ضخمه جدا ومازالت مستخدمه حتى الان ويوجد فيها قسم للسفن الغارقه من الحرب العالميه الثانيه وغواصات وغيرها

الدخول مجانا للقاعدة العسكريه لكن بدون اى شنط معك وبيقوم بعمل جوله ليك لمدة ساعه ونصف تقريبا بتبدء بالدخل الى مسرح وعرض لك فيلم وثائفى قصير لمدة 20 دقيقة عن الحرب العالميه الثانيه وهجوم اليابان على القاعدة وموت الالاف من الجنود فيها

وبعدة بتخرج تركب مركب الى مكان تحطم سفينه حربيه ضخمه وعاملين فوقها نصب تذكارى ولوحه ضخمه باسماء الضحايا فى هذة الهجمات

The USS Arizona Memorial

هتجدوا الصور فى البوست

وبعدها بيرجعك لنفس المكان وفيه اماكن اخرى ممكن مشاهدتها من غواصات وغيرها لكن غير مجانيه وفيه مكان لشراء اشياء تذكاريه عن المكان

(برائى زياره حامله الطائرات فى سان دييجو كان اكثر امتاعا عن زياره هذا المكان ) لكن القيمه التاريخيه له اكبر

هضع بعض الصور ليها فى البوست لتشاهدوا الفرق

بعد ما قمت بزياره الميناء وهو قريب من المطار ذهبت الى المطار ومطار هونولولو من المطارات القديمه وتحس انه لم يجدد من السبيعينات لكنه يكفى بالغرض

كان الوقت بدرى على ميعاد الطائرة فروحت اتغدى مع انى مش بهتم بالاكل فى رحلاتى بس فيه شئ غريب لفت نظرى فى مطعم بيعمل دجاج وكلت فيه مرتين فى الجزيرة الغريب فيه هو حجم الدجاج ضخم جدا بالنسبه للدجاج عندنا تحس انه الدجاجه 5 كيلو

مع ان طعمها مش زينا بس حجمها غريب تحس اننا بناكل عصافير مش دجاج فى بلادنا

رحله العود كانت من هونولولو الى فينكس فى ولايه اريزونا لمدة 6 ساعات ومن فينكس الى سان دييجو فى رحله صغيرة لمدة ساعه وركبت فيها طائره قديمه عمرها 24 سنه تحس ان كراسيها واسعه هى من طراز بوينج 767 متوقف انتاجها من فترة طويله

طبعا قضيت بقيت رحلتى لمدة 4 ايام فى سان دييجو – يعتبر من احسن المدن اللى زورتها فى كاليفورنيا وزى ما كنت بسمع عنها انها مريحه وهادئه وجوها جميل مش زى سان فرانسيسكو او لوس انجلوس

بنصح اى حد لو رايح رحله مع اسرته انه يروحها لان جوها جميل وهادئ وفيها انشطه كتير تنفع الاسره والاطفال

انا مش هتكلم عن سان دييجو لان ناس كتير اتكلمت عنها وعامله فيديوهات كتير فمش هضيف شئ جديد عنها بس بنصح الناس تزورها لو رحله عائليه

فى النهايه ودة اخر جزء لرحلتى لهاواى

اتمنى اكون كسرت حاجز الخوف او الصعوبه عند ناس كتير فى انهم يزوروا هاواى واكون قربتها ليهم بعض الشئ وهى مكان مش صعب او مستحيل تروحه من ناحيه البعد او التكاليف

وبدون ادنى شك لما تروح هتدعيلى وهتستمع سواء انت لوحدك او مع اسرتك

طبعا الجزيرة تحتاج وقت اطول من 3 ايام على الاقل اسبوع وتزور الجزر الاخرى لان كل جزيره فيها اماكن مختلفه وجميله